- ट्रेण्डिङ :
पोखरा । साफ च्याम्पियनसिप फुटबलको तयारीमा रहेको नेपाली टोलीले अभ्यासका लागि भएको मैत्रीपूर्ण खेलमा गम्भीर हार बेहोरेको छ ।
कतारको दोहामा आइतबार राति भएको ओमानसँगको खेलमा नेपाल ७-२ ले पराजित भएको हो ।
पहिलो हाफमा एक गोल गरेर दुई गोल खाएको नेपालले दोस्रो हाफमा पाँच गोल खायो र मात्रै एक गोल फर्काउन सक्यो ।
नेपालका लागि आयुष घलान र अनन्त तामाङले गोल गरेका हुन् ।
नेपाली टोली साफ च्याम्पियनसिपमा सहभागी हुन सोमबार दोहाबाट माल्दिभ्स तर्फ जाने छ ।
प्रतियोगिता अक्टोबर १ देखि सुरु हुँदैछ । नेपालले अक्टोबर १ तारिखमा माल्दिभ्ससँग खेल्दै यात्रा सुरु गर्दै छ।
नेपालले अक्टोबर ४ तारिखमा श्रीलंका, अक्टोबर १० तारिखमा भारत र अक्टोबर १३ तारिखमा बंगलादेशसँग खेल्ने छ।
लिग चरणमा शीर्ष दुई स्थानमा रहने टोलीबीच उपाधिका लागि अक्टोबर १६ तारिखमा प्रतिस्पर्धा हुनेछ ।
