- ट्रेण्डिङ :
आयोजक माल्दिभ्ससँग खेल्दै नेपाल राष्ट्रिय पुरुष फुटबल टोलीले साफ च्याम्पियनसीपको सुरुवात गर्दै छ । मालेमा आजदेखि सुरु हुने १३औँ संस्करणको साफको दोस्रो खेलमा नेपाल र आयोजक माल्दिभ्स भिड्न लागेका हुन् ।
खेल नेपाली समय अनुसार साझको ९ः४५ बजे सुरु हुने छ । यसअघि उद्घाटन खेलमा बंगलादेश र श्रीलंकाबीच प्रतिस्पर्धा हुने छ । यसपटक प्रतियोगितामा पाकिस्तान र भुटान सहभागी हुने छैनन् ।
जसमा कारण ५ देश सम्मिलित प्रतियोगिता सिंगल राउन्ड रोबिनको आधारमा आयोजना हुने छ । नेपाल पहिलो खेलमा आयोजक माल्दिभ्सलाई पराजित गर्दै सुखद् सुरुवात गर्ने लक्ष्यमा हुने छ ।
यता, साविक विजेता माल्दिभ्स समेत नेपाललाई पराजित गर्दै घरेलु दर्शकमाझ प्रतियोगितामा बलियो उपस्थित देखाउन चाहन्छ ।
नेपाली टोलीका कप्तान किरणकुमार लिम्बूले खेल अघि बोल्दै टोलीमा युवा र अनुभवी खेलाडीको तालमेल राम्रो रहेको र घरेलु दर्शक माझ माल्दिभ्सलाई चुनौती दिन तयार रहेको बताएका छन् ।
प्रतियोगिताको १३औँ संस्करण आइपुग्दा नेपालले हालसम्म उपाधि हात पार्न सकेको छैन ।
यति मात्रै हैन नेपाली टोली हालसम्म फाइनल समेत पुगेको छैन ।
