आइतवार, कार्तिक १६ गते २०८३
- ट्रेण्डिङ :
- # समाज
- # मनाेरञ्जन
नेत्रविक्रम चन्द विप्लवका दाजस चन्द्रविक्रम चन्द ‘वीरजंग’ को निधन भएको छ । विप्लव नेतृत्वको नेपाल कम्युनिष्ट पार्टीका नेता समेत रहेका वीरजंग विप्लवका सहोदर जेठा दाजु हुन् ।
उनको आज (शुक्रबार) बिहान भारतको नयाँदिल्लीमा ६१ वर्षको उमेरमा निधन भएको हो । वीरजंग लामो समयदेखि उच्च रक्तचाप, मधुमेह र फोक्सोको समस्याले ग्रसित थिए । उनको दिल्लीस्थित म्याक्सिस अस्पतालमा उपचारकै क्रममा निधन भएको हो ।
कपिलवस्तुको शिवराज गढीमा बस्दै आएका वीरजंग माओवादी जनयुद्ध कालमा पर्वत र बाग्लुङको ईन्चार्ज थिए । पछि माओवादी टुक्रिएर विप्लव नेतृत्वमा नेकपा बनेपछि उनी उक्त पार्टीका केन्द्रीय सदस्य थिए ।
अघिल्लो सरकारका पालामा नेकपालाई प्रतिबन्ध लगाएपछि वीरजंग पनि पक्राउ परेका थिए । केही महिनाअघि मौ उनी चितवन कारागारबाट रिहा भएका थिए ।
हाल उनका दुई छोरा र एक श्रीमती छन् । उनी करिब १९ महिना जेल बसेका थिए । वीरजंगको शव शुक्रबार नै शिवराज गढीस्थित घरमा ल्याइने र शनिबारसम्म अन्त्येष्टि गरिने पारिवारिक स्रोतले जानकारी दिएको छ ।
