- ट्रेण्डिङ :
एजेन्सी । क्रूज ड्रग्स प्रकरणमा पक्राउ परेका बलिउड अभिनेता शाहरुख खानका छोरा आर्यन खान रिहा हुँदैछन् । गत अक्टोबर २ मा आर्यनसहित आठ जनालाई मुम्बईस्थित नार्कोटिक्स कन्ट्रोल ब्युरोले पक्राउ गरेर मुद्दा चलाएको थियो ।
खानले बिहीबार जमानत पाएका थिए। बाम्बे उच्च अदालतले शुक्रबार जमानतका लागि १४ सर्त राखेको थियो । तर, सर्त उल्लंघन भएमा जमानत रद्द हुनेछ ।
आर्यनको जमानत भए पनि औपचारिकता पुरा हुन बाँकी रहेकाले उनी अझै मुम्बईस्थित आर्थर रोड जेलमा रिहाइको पर्खाइमा छन् । आज बिहान १० बजे कारागार खुलेपछि उनी आजै बिहान ११ बजेसम्म रिहा हुने ठानिएको छ ।
आर्यनलाई पार्टीका लागि तयार एक क्रुज सिपबाट पक्राउ गरिएको थियो। उनको साथमा ड्रग्स नभेटिएको र उनले सेवन नगरेको भनिए पनि उनको २ पटक जमानत रद्द भएको ईण्डिया टुडेले जनाएको छ ।
