शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
एजेन्सी । अहिले जाडोको मौसम सुरु भैसकेको छ । यतिबेला घामको न्यानो तापको छुट्टै आनन्द हुन्छ । प्राय सबैले सोच्ने गर्छन ‘घाम कहिल्यै नअस्ताए हुन्थ्यो ।’
विश्वमा यस्ता स्थानहरु पनि छन, जहाँ घाम उदाउँदैन । त्यस्तै एउटा ठाउँ इटालीमा छ । त्यो ठाउँमा नोभेम्बर देखि फेब्रुअरी तीन महिना सूर्यको प्रकाश देख्नै पाइँदैन ।
लगातार तीन महिना घाम नलाग्ने इटलीको त्यो गाउँको नाम हो, भिगल्लेना । यो गाउँ चारैतिरबाट पहाडले घेरिएको छ । मिलानको उत्तरी क्षेत्रमा पर्ने यो भिगल्लेना गाउँ अग्ला अग्ला पहाडभन्दा १३० किलोमिटर गहिराइमा अवस्थित छ ।
यो गाउँको जनसंख्या २०० मात्र छ । लगातार तीन महिना घाम नलागेका कारण स्थानीयहरुको समस्यालाई मध्यनजर गर्दै एकजना ईन्जिनियरले एउटा उपाय अपनाए ।
सन १९९९ तिरको कुरा हो, भिगल्लेना गाउँका मेयर फ्रेन्को मिडालीले स्थानीय आर्किटेक्ट जियाकोमो बोन्जानीसंग गाउँमा सूर्यको किरण ल्याउने विषयमा छलफल गरे । त्यही छलफलले गाउँलेहरुलाई सूर्यको दर्शन गरायो ।
ईन्जिनियर बोन्जानीले कृतिम सूर्य बनाउने निर्णय गरे । यो कामका लागि एक लाख युरो खर्च भयो । यसका लागि ४० बर्गकिलोमिटर आकारको सिसाको ऐना खरिद गरियो ।
जसलाई पहाडको टुप्पोमा जडान गरियो । कम्प्युटरबाट चलाउन सकिने त्यो ऐनालाई गाउँमा सूर्यको प्रकाश पार्न सक्नेगरी पहाडको टुप्पोमा जडान गरिएको थियो ।
यो ऐनाले दैनिक ६ घण्टासम्म सूर्यको किरण परावर्तन गरी गाउँसम्म पुर्याउँछ । अहिले भिगल्लेनाबासीहरु सिसाको ऐनाबाट बनाइएको कृत्रिम सूर्यको किरणबाट आनन्द लिइरहेको टाइम्स नाओ न्युज डटकमले जनाएको छ ।
