शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
नेकपा (एमाले)का उपाध्यक्ष डा.भीम रावलले आज बस्ने भनिएको एमालेको सुदूरपश्चिम प्रदेश कमिटीको बैठक अवैध भएको दाबी गरेका छन् ।
आज बस्ने भनिएको बैठक १० बुँदै सहमति र अन्तरपार्टी निर्देशनविपरीत रहेको रावलको आरोप छ ।
आजको बैठक गुटबन्दीको नमुना भएको भन्दै यसका निर्णय अमान्य हुने रावलको जिकिर छ । सामाजिक सञ्जाल ट्विटरमा रावलले लेखेका छन्, “आज हुने भनिएको कथित सुदूरपश्चिम प्रदेश कमिटीको बैठक १० बुँदे सहमति र त्यसको कार्यान्वयनका लागि जारी अपानि १२ को विपरीत छ।
यो गुटबन्दीको नमुना हो। यो बैठक र यसका निर्णयहरू अवैध र अमान्य छन् ।” रावलले अन्तर पार्टी निर्देशन–१२ झापामा लागु हुने, सुदूरपश्चिममा किन लागु नहुने भन्दै प्रश्न पनि गरेका छन् ।
आज हुने भनिएको कथित सु.प. प्रदेश कमिटीको बैठक १० बुँदे सहमति र त्यसको कार्यान्वयनका लागि जारी अपानि १२ को विपरीत छ।यो गुबन्दीको नमूना हो।यो बैठक र यसका निर्णयहरू अवैध र अमान्य छन्।अपानि १२ झापामा लागु हुने, सु.प.मा लागु नहुने किन? यहाँको भूमि वाह्य अतिक्रमणमा परेकोले हो कि?
