- ट्रेण्डिङ :
कोरोना भाइरसको संक्रमणबाट पछिल्लो २४ घन्टामा ४ जनाको मृत्यु भएको छ । महोत्तरीका ४५ वर्षीय पुरुषको रामजानकी अस्पतालमा उपचारका क्रममा मृत्यु भएको छ ।
त्यस्तै धनुषा मिथिलाकी ८५ वर्षीया महिलाको वीपी कोइराला स्वास्थ्य विज्ञान प्रतिष्ठान धरानमा र अछाम रामारोशनका १८ वर्षीय पुरुषको पाटन अस्पतालमा उपचारका क्रममा मृत्यु भएको स्वास्थ्य तथा जनसंख्या मन्त्रालयका प्रवक्ता डा.जागेश्वर गौतमले बताए ।
त्यस्तै मोरङको विराटनगर ३ का ५७ वर्षीय पुरुषको कोशी अस्पतालमा उपचारका क्रममा मृत्यु भएको छ । यो सँगै कोरोनाबाट ज्यान गुमाउनेको संख्या ९५ पुगेको छ ।
प्रवक्ता गौतमले पछिल्लो २४ घन्टामा थपिएका ५ सय २५ जनासहित देशभर संक्रमितको संख्या २४ हजार ९ सय ५७ पुगेको जानकारी दिए ।
संक्रमितमध्ये १६ हजार ८ सय ३७ जना उपचारपछि घर फर्किएका छन् भने ९५ जनाको कोरोना भाइरसका कारण ज्यान गएको छ ।
