- ट्रेण्डिङ :
एजेन्सी । यमनमा एक अभिनेत्री तथा मोडललाई पाँच वर्षको जेल सजाय सुनाइएको छ ।
विद्रोहीहरूले उनलाई अभद्र व्यवहार गरेको आरोप लगाएका छन्। २० वर्षीया इन्तिसार–अल–हम्मादीले फेब्रुअरीमा हिरासतमा लिएपछि आफूलाई मौखिक र शारीरिक दुव्र्यवहार गरेको र आँखामा पट्टी बाँधेर हस्ताक्षर गर्न बाध्य पारिएको आरोप लगाएकी छन्। उनीसंगै थप तीन जना महिला पक्राउ परेका छन् ।
उनीहरुलाई पनि जेल सजाय दिइएको छ । मानवअधिकार संगठन ह्युमन राइट्स वाचले यस विषयमा धेरै अनियमितता भएको बताएको छ ।
यमनको उत्तरपश्चिमी भागमा हुथी विद्रोहीको नियन्त्रणमा छ । उनले सन् २०१५ देखि सरकार समर्थक सेनाविरुद्ध लडाइँ लडेका छन् । एक हुथी समाचार एजेन्सीले हम्मादीलाई यमनको राजधानी सानामा उनीमाथि लगाइएको आरोपमा दोषी ठहर गरिएको लेखेको छ।
यसमा अभद्र व्यवहार र लागूऔषध ओसारपसारको आरोप समावेश छ। एजेन्सीका अनुसार उनी र अर्की एक महिलालाई पाँच वर्षको जेल सजाय सुनाइएको छ।
अन्य दुईमध्ये एकलाई तीन र अर्की महिलालाई एक वर्ष कैद सजाय सुनाइएको छ । चार महिलाका वकिल खालिद अल–कमालले एपी समाचार एजेन्सीलाई भने कि उनीहरू फैसलाविरुद्ध अपील गर्नेछन्।
ह्युमन राइट्स वाचका अनुसन्धानकर्ता अफ्रा नासिरले यो सजाय अनुचित र राजनीतिक रूपमा प्रेरित भएको ट्वीट गरेका छन्। यमनका सूचना मन्त्री मोअमनार अलइरानीले यो घटना हुथी विद्रोहीद्वारा महिलाविरुद्ध हुने हजारौं अपराधको उदाहरण भएको लेखेका छन्।
