- ट्रेण्डिङ :
सन्तोष गौतम / बेनी- मंगला गाउँपालिका–१ कुहँमा नेकपा माओबादी केन्द्रको प्रथम अधिवेशन बाट समिति गठन वडा कमिटी गठन भएको छ ।
ओमबहादुर किसान (नबिन)को अध्यक्षतामा गठन भएको २९ सदस्यीय कमिटीको उपाध्यक्षमा टेकमान सिर्पाली, सचिबमा कमलबहादुर खत्री, कोषाध्यक्षमा मिना नेपाली दर्जी र सहसचिबमा केशब पुन रहनुभएको छ ।
पृथीलाल बिकको अध्यक्षता, मनप्रसाद किसानको सञ्चालन र ओमबहादुर किसानको स्वागतमा सम्पन्न कार्यक्रममा माओवादीका गण्डकी प्रदेश कमिटी सदस्य टेकबहादुर बिश्वकर्माले परिवर्तनलाई सस्थागत, संबिधान र ब्यवस्थालाई बचाउन अग्रगामी शक्तिहरुबीच सहकार्य तथा माओवादी घटकहरुको एकता आवश्यक रहेको बताउनुभयो ।
माओवादीको मंगला गाउँपालिका कमिटी संयोजक यामबहादुर रोकाले माओवादीको एजेण्डा अनुसार आएको संघियताले गाउँ गाउँमा बिकास गतिबिधी बढेको, जनताको आवश्यकता र माग सम्बोधन भएका, समावेशी ब्यवस्थाले महिला, जनजाती र दलित समुदायले अवसर पाएका बताउनुभयो ।
कार्यक्रममा एकिकृत अखिल नेपाल शिक्षक संगठनको मंगला गाउँपालिका उपाध्यक्ष खबहादुर किसान, पुर्ब जिल्ला सल्लाहकार खड्गबहादुर पुर्जाले माओवादीको संगठन र राजनीतिक गतिबिधी बढेपछि जनतामा परिवर्तनको संस्थागत हुने आशा पलाएको बताउनुभयो ।
