- ट्रेण्डिङ :
प्रहरीले बल प्रयोग गर्दा नेपाल बार एसोसिएसनका अध्यक्ष चण्डेश्वर श्रेष्ठसहित १२ जना घाइते भएको कानुन व्यवसायीहरुले जानकारी दिएका छन् ।
सर्वोच्च अदालतका मुख्य रजिष्ट्रार लालबहादुर कुँवरले दमन गर्न प्रहरी परिचालन गरेको भन्दै कानुन व्यवसायीहरुले उनलाई माफी माग्न आग्रह गरेका छन् ।
सर्वोच्च परिसरमा बिहीबार प्रदर्शनमा उत्रिएका कानुन व्यवसायीहरुमाथि प्रहरीले बल प्रयोग गरेको छ । प्रहरीको घेरा तोड्न खोजेपछि कानुन व्यवसायीहरुमाथि प्रहरीले बल प्रयोग गरेको थियो ।
धकेलाधकेल हुँदा सर्वोच्च बारका सचिव ऋषिराम धिमिरे, केन्द्रीय सदस्य प्रकश महर्जन, वरिष्ठ अधिवक्ता सविता भण्डारीलगायत भुइँमा लडेका थिए । उनीहरुमाथि प्रहरीले हातपात गरेको कानुन व्यवसायीहरुको भनाइ छ ।
एकजना डिएसपीको हातमा चोट लागेको छ । घाइतेमध्ये बार अध्यक्ष श्रेष्ठ र प्रकाश महर्जनको अन्नपूर्ण न्युरो अस्पतालमा उपचार भइरहेको छ ।
शान्तिपूर्ण प्रदर्शनमा दमन गरेको भन्दै कानुन व्यवसायीहरुले प्रधानन्यायाधीश जबरा र प्रहरी प्रशासनविरुद्ध नाराबाजी गरेका छन् ।
