शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
सर्वोच्च अदालतका प्रधानन्यायाधीश चोलेन्द्रशमशेर जबराको राजीनामा गाग गर्दै आन्दोलरनत नेपाल बार एशोसिएसनले प्रमुख राजनीतिक दललाई गुहार्न थालेका छन् । प्रधानन्यायाधीश जबराको बहिर्गमनका लागि सहयोग गर्न आग्रह गर्दै सभामुख अग्निप्रसाद सापकोटालाई आग्रह गरेको छ ।
प्रधानन्यायाधीश जबराले आफूहरुको पहलले मात्र राजीनामा नदिएको भन्दै बारले संसदको सहयोग खोजेको हो । नेपाल बारका पदाधिकारीहरुले सोमबार सिंहदरबारस्थित संसद सचिवालयमा पुगेर जबरालाई पदमुक्त गर्न संसदले सहयोग गर्नुपर्ने भन्दै आग्रह गरेका हुन् ।
प्रधानन्यायाधीश जबराले सडकको दबाबका भरमा राजीनामा दिन्न भनेकाले आफूहरु सभामुखसमक्ष आएको बारका अध्यक्ष चण्डेश्वर श्रेष्ठले बताएका छन् । प्रधानन्यायाधीश जबराले संसदीय सुनुवाइका क्रममा गरेका प्रतिवद्धता पूरा नगरेकाले उनलाई पदमुक्त गर्न संसदले सहयोग गर्नुपर्ने महासचिव लीलालमणि पौडेललको भनाई छ ।
बारले प्रधानन्यायाधीश जबराले संवैधानिक जिम्मेवारीलाई निजी सम्पत्तिसरह दुरुपयोग गरेको आरोप लगाएका छन् । यस्तै जबरासँग संवैधानिक र कानुनी दायित्व पूरा गर्न सक्ने क्षमता नभएको पनि बारको आरोप छ ।
प्रधानन्यायाधीश जबराको राजीनामा माग गर्दै नेपाल बार एशोसिएसनले झण्डै एक महिनादेखि सर्वोच्च अदालत परिसरमा धर्ना र प्रदर्शन गर्दै आएको छ । प्रधानन्यायाधीश जबराको राजीनामा माग गर्दै नेपाल बार एसोसिएसनले सोमबार पनि धर्ना दिएको छ ।
तेस्रो चरणको आन्दोलनअन्तर्गत सोमबार पनि वकिलहरू सर्वोच्च परिसरमा धर्नामा बसेका हुन् । सोमबार सर्वोच्च परिसबाट न्यायलयको सुरक्षाका लागि भन्दै खटाइएका दंगा प्रहरीलाई हटाइएको थियो ।
धर्नाका क्रममा उनीहरुले प्रधानन्यायधिशबिरुद्ध चर्का नारा लगाएका थिए । धर्नापछि बारमा आयोजित विरोध सभामा बारमा अध्यक्ष चण्डेश्वर श्रेष्ठले प्रधानन्यायाधीशकै कारणबाट भ्रष्टचार व्याप्त भएको राजीनामाको बिकल्प नरहेको बताए ।
सेवाग्राहीहरुलाई तीनबर्षदेखि अदालतमा भइरहेको अन्याय अव हुन नदिने उनको भनाई छ । उनले प्रधानन्यायाधीशले बिचौलियामार्फत फाइदा हुने मुद्धामात्र हेर्ने गरेको आरोप लगाए ।
नेपाल बार एसोसिएसनको अगुवाईमा न्यायालयमा भष्ट्राचार , दलिय भागबन्डा गरेकोलगायतका आरोप लगाउँदै प्रधानन्यायाधीश राणाको राजीनामा माग गर्दै कानुन व्यवसायीहरु तीन सातादेखि आन्दोलनमा छन् ।
