शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
नेपाल कम्युनिष्ट पार्टी (एकीकृत समाजवादी)का केन्द्रीय सदस्य होम बुढाथोकीले केपी ओलीले कम्युनिष्ट सिद्धान्तलाई नारायणी नदिमा लगेर तिलाञ्जली दिएको बताएका छन् ।
उनले गृहजिल्ला रामेछापमा समाजवादीको संगठन विस्तार अभियानमा सम्बोधन गर्ने क्रममा यस्तो बताएका हुन् । उनले भने, ‘देशको सबैभन्दा ठुलो पार्टी नेकपा विभाजन गरेर ।
त्यसपछि एमाले पनि विभाजन गरेर आज नारायणी नदिमा लगेर कम्युनिष्ट सिद्धान्तलाई तिलाञ्जली दिदै छन् ।’ उनले अब ओलीले नेतृत्व गरेको एमाले कम्युनिष्ट पार्टी नरहेको बताए ।
उनले अहिले आफूहरु कम्युनिष्ट विरोधी ओलीसँग विद्रोह गरेर आएको भन्दै रामेछापेली जनताले हिजो दिएको भोट लुटिएकाले त्यसको क्षमा माग्दै जनतासँग रहन आएको बताए ।
उनले कम्युनिष्टलाई एक बनाएर जनतालाई झुक्याएर मत मागेर आफू राजा बन्न खोजेको आरोप लगाए । उनले ओलीले जनताको कुराभन्दा पनि आफू राजा बन्ने र शासन गर्ने मनोवृद्धि भएको कारण नेकपा विभाजन गरेर हिडेको बताए ।
उनले ओलीलाई गुन्डा नाइके भएको आरोप लगाए । उनले भने, ‘अहिले देश गुन्डामय भएको छ, ओली त्यसको मुख्य कमान्डर भएर हिडेको छ ।’ ओली जाली झेल र षड्यन्त्रकारी भएको भन्दै अब जनताले ओलीको प्रतिरोध गर्नु पर्ने समेत बताए ।
