शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
एमाले अध्यक्ष केपी शर्मा ओलीले पूर्व माओवादी पृष्ठभूमिका एमाले नेताहरुसँग छलफल गरेका छन् ।
सर्वसम्मत रुपमा नेतृत्व चयनका लागि छलफलमा जुटेका ओली आइतबार लेखराज भट्ट, टोपबहादुर रायमाझी, प्रभु साह लगायतका नेतासँग छलफल गरेका हुन् ।
स्रोतका अनुसार आफू बसेकै रिसोर्टमा उनीलाई बोलाएर ओलीले नयाँ नेतृत्व चयन प्रक्रिया र उनीहरुका आकांक्षाबारे चासो राखेका हुन् ।
ओलीले सहमतिबाटै नेतृत्व चयन गर्ने प्रयासस्वरुप बिहानैदेखि पार्टीका विभिन्न नेताहरुसँग छुट्टाछुट्टै छलफल गर्दै आएका छन् ।
स्रोतका अनुसार पूर्व माओवादी नेताहरुले पनि आफूहरु सहमतिबाटै नेतृत्व चयन होस् भन्ने पक्षमा रहेको ओलीलाई जवाफ दिएका छन् ।
