- ट्रेण्डिङ :
नेपाल कम्युनिष्ट पार्टी (एमाले)को १०औं महाधिबेशन अन्तर्गत आज (आइतबार) पदाधिकारीसहित केन्द्रीय कार्यसमितिको खाका तयार भएको छ ।
पार्टी अध्यक्ष केपी शर्मा ओलीले केन्द्रीय कार्यसमितिको नामावली तयार गर्नका लागि प्रदीप ज्ञवाली, पुथ्बीसुब्बा गुरुङ, विष्णु पौडेल र शंकर पोखरेलाई जिम्मा दिएका थिए ।
उनीहरुले तयार गरेका उक्त खाका अध्यक्ष ओलीलाई बुझाइएको छ । अब अध्यक्ष ओलीले रुजु गरेपछि बन्दसत्रमा सुनाइने जानकारी गराइएको छ ।
त्यस्तै, बन्दसत्रको दोस्रो दिनको कार्यक्रम आइतबार (आज)साँझ ७ बजेपछि मात्रै सुरु हुने भएको छ । आज विहान १० बजेदेखि दोस्रो दिनको बन्दसत्रको कार्यक्रम सुरु हुने भनिएतापनि नेतृत्वका लागि सहमति जुट्न नसकेपछि साँझ ७ बजेपछि मात्रै सुरु हुने बताइएको छ ।
पार्टीभित्र सहमति जुटाउनका लागि अध्यक्ष ओली निरन्तर छलफलमा रहेको बताइएको छ ।
