शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
नेकपा एमालेको जारी १०औं महाधिवेशनको बन्दसत्रमा नेतृत्वका लागि सहमतिको मिलाउने प्रयारी भइरहेको छ ।
बन्दसत्र चलिरहँदा पूर्वमाओवादीबाट आएका नेताहरुसँग अध्यक्ष केपी शर्मा ओलीको छलफल भएको छ ।
पूर्वमाओवादी पक्षका नेताहरुसँग अध्यक्ष केपी शर्मा ओलीले गरेको छलफलबाट २ पदाधिकारी र ४० केन्द्रीय सदस्य पाउने सहमति भएको छ । पूर्वमाओवादी समूहले यसअघि तीन पदाधिकारी दाबी गर्दै आएको थियो ।
जसमा उपाध्यक्ष, उपमहासचिव र सचिवमा एकएक जना पदाधिकारी पाउनुपर्ने दाबी थियो । पदाधिकारी र केन्द्रीय सदस्यका बारेमा छलफल गर्नका लागि पूर्वमाओवादी समूहबाट टोपबहादुर रायमाझी, लेखराज भट्ट, मणि थापा र प्रभु शाह अध्यक्ष ओलीलाई भेटेका छन् ।
स्रोतका अनुसार ओलीले दुई जनालाई पदाधिकारी दुई जना स्थायी समिति र ४० जना केन्द्रीय समिति दिन सकिने निष्कर्ष निकालेका हुन् ।
पूर्वमाओवादी पक्षबाट रामबहादुर थापा बादलले उपाध्यक्ष, टोपबहादुर रायमाझीले उपमहासचिव र लेखराज भट्टले सचिव दाबी गर्दै आएका छन् ।
