बुधवार, कार्तिक १९ गते २०८३
- ट्रेण्डिङ :
- # समाज
- # मनाेरञ्जन
संस्कृति, पर्यटन तथा नागरिक उड्डयनमन्त्री प्रेमबहादुर आलेले राम्रो काम गर्दागर्दै पनि कतिपय मानिसहरूले आफ्नो व्यक्तिगत स्वार्थअनुसार काम नहुँदा मिडियामा देखाउने गरेको बताएका छन् ।
सोमबार मन्त्रालयकै सभाहलमा आयोजित एक कार्यक्रममा आलेले भने, ‘त्यसमा मैले भन्नुपर्ने केही छैन । त्यो त तपाईंहरू आफैंले पनि बुझ्न सक्नुहुन्छ ।’
मन्त्री आलेले आफू आइसकेपछि आफूले गरेका कामहरू राम्रा कामहरूको राम्रो समाचार दिन र खराब काम गरे खराब भनेर लेख्नु आग्रह गरे ।
मन्त्री आलेले जनताले तिरेको करबाट बनेको वायु सेवा निगमको सञ्चालन खर्च कम गरी नाफा कमाउने संस्था बनाउनेतर्फ आफूले काम गरिरहेको बताए ।
निगमका जहाजलाई पहिलोपटक खतराजन्य पदार्थ ओसारपसार गर्न अनुमति दिएसँगै अब विदेशबाट यस्ता सामान ल्याउने व्यापारीहरूलाई सजिलो हुने आलको तर्क थियो ।
उनले भन, ‘अब निगमका विमानले यस्ता सामान बोक्दा दुई/तीन गुणा बढी मूल्य पाइने भयो, यो पनि राज्यका लागि राम्रो कुरा हो । यात्रु नभएको अवस्थामा यस्ता सामान ल्याउँदा पनि हामीलाई नाफा नै हुन्छ ।’
