बुधवार, कार्तिक १९ गते २०८३
- ट्रेण्डिङ :
- # समाज
- # मनाेरञ्जन
नेपाल कम्युनिष्ट पार्टी माओवादी केन्द्रको उपत्यका प्रदेश सम्मेलन सम्पन्न भएको छ ।
आइतबार भएको उपत्यका विशेष प्रदेशको सम्मेलनले १४१ सदस्य उपत्यका विशेष प्रदेश समिति गठन गरेको छ । पदाधिकारी भने टुंगो लगाइएको छैन । पहिलो बैठले पदाधिकारी चयन गर्ने जनाइएको छ ।
माओवादी केन्द्रको प्रदेश सम्मेलन शनिबारदेखि सुरु भएको हो । शनिबार पार्टी अध्यक्ष पुष्पकमल दाहाल ‘प्रचण्ड’ले भर्चुअल माध्यउमबाट एकैसाथ प्रदेश सम्मेलनको उद्घाटन गरेका थिए ।
माओवादी केन्द्रले सोमबारसम्ममा प्रदेशको नयाँ नेतृत्व चयन गरी प्रदेश सम्मेलन सक्ने जनाएको छ ।
केन्द्रीय निर्वाचन आयोग अध्यक्ष विष्णुपुकार श्रेष्ठका अनुसार प्रदेश नम्बर दुईको पालिका अधिवेशन वाँकी रहेकाले पुस ३ गतेमात्र हुनेछ । सकेसम्म सहमतिमा नेतृत्व चयन गर्ने माओवादी केन्द्रको तयारी छ ।
यसअघि सात जना पदाधिकारी रहने व्यवस्था भएकोमा अब प्रदेशमा ९ जना रहने निर्णय गरिएको छ ।
