बुधवार, कार्तिक १९ गते २०८३
- ट्रेण्डिङ :
- # समाज
- # मनाेरञ्जन
नेपाली कांग्रेसको जारी १४औं महाधिवेशनमा महामन्त्रीका उम्मेदवार रहेका विश्वप्रकाश शर्माले पनि सभापतिका लागि शेरबहादुर देउवालाई समर्थन गर्ने भएका छन् ।
आफू नेता प्रकाशमान सिंहको टिमबाट महामन्त्रीको उम्मेदवार भएकाले सिंह उभिएको ठाउँमा आफू पनि उभिने उनले बताएका हुन् ।
सिंहले देउवालाई समर्थन गर्ने निर्णय गरिसकेका छन् । शर्माले सामाजिक सञ्जालमा लेखेका छन्– ‘सर्वसम्मति सर्वोत्तम। दोस्रो चरणमा जानै पर्दा प्रस्ट्याउँदछु, नेता प्रकाशमान सिंहको नेतृत्वमा महामन्त्रीको उम्मेदवार भएकाले उहाँ उभिनु भएको ठाउँमा म उभिनुपर्छ ।
पराजित भएपनि उहाँलाई साथ दिनु मेरो कर्तव्य हो, सही निर्णय गर्न सक्ने उहाँको क्षमताप्रति म विश्वस्त छु। नेता विमलेन्द्र निधिले पनि सभापति पदको दोस्रो चरणको निर्वाचनमा शेरबहादुर देउवालाई समर्थन गर्ने भएका छन् ।
देउवासँगको भेटपछि नेता निधिले देउवालाई नै समर्थन गर्ने जानकारी दिएका हुन् । यसअघि अर्का उम्मेदवार प्रकाशमान सिंहले पनि दोस्रो चरणको निर्वाचनमा देउवालाई साथ दिने बताइसकेका छन् ।
त्यस्तै महामन्त्रीका उम्मेदवार रहेका विश्वप्रकाश शर्माले पनि सभापतिका लागि देउवालाई समर्थन गर्ने बताएका छन् । पहिलो चरणमा निधि पनि सभापति पदका उम्मेदवार थिए ।
पहिलो चरणमा देउवाले सबैभन्दा बढी मत ल्याए पनि ५० प्रतिशत मत कटाउन भने सकेनन् । दोस्रो धेरै मत सभापति पदका उम्मेदवार शेखर कोइरालाले ल्याएका थिए । देउवा र कोइरालाबीच आज अपरान्ह ३स्३० बजे सभापति पदमा फेरि निर्वाचन हुने भएको छ ।
