शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
नेपाली कांग्रेसको १४औँ महाधिवेशनअन्तर्गत सभापति पदको पुनः मतदान सुरु भएको छ ।
सोमबार भएको निर्वाचनमा सभापति पदमा प्रत्यासी कसैको पनि ५१ प्रतिशत मत नपुगेपछि पार्टीको विधान अनुसार सभापति पदका लागि पुनःमतदान सुरु ।
निर्वाचन समितिले दोस्रो चरणको मतादानका लागि साढे ३ बजेदेखि ७ बजेसम्मको समय निर्धारण गरेको छ । सभापति पदमा मात्र मतदान हुने भएकाले मतदान छिटो हुने निर्वाचन समितिको भनाइ छ ।
काठमाडौँको राष्ट्रियसभा गृहमा कायम गरिएको मतदानस्थलमा सभापतिका दुवै प्रत्यासी प्रधानमन्त्री देउवा र नेता कोइराला मतदान स्थलमा उपस्थित छन् । यसैबीच सभापतिका उम्मेदवार प्रधानमन्त्री देउवाले मतदान गरिसकेका छन् ।
१४औँ महाधिवेशनअन्तर्गत सोमबार भएको निर्वाचनमा शेरबहादुर देउवा, शेखर कोइराला, प्रकाशमान सिंह, विमलेन्द्र निधि र कल्याण गुरुङ प्रत्याशी थिए । पहिलो चरणमा देउवाले २ हजार २५८ मत पाएका थिए ।
त्यस्तै, कोइरालाले १ हजार ७०२, सिंहले ३७१, निधिले २४९ र गुरुङले २२ मत पाएका थिए । कुनै उम्मेदवारले ५० प्रतिशत मत ल्याउन नसकेपछि दोस्रो चरणका लागि मतदान हुन लागेको हो ।
दोस्रो चरणमा देउवा र कोइराला प्रतिस्पर्धी छन् । देउवालाई सिंह, निधि र गुरुङले समर्थन गर्ने भएका छन् ।
