आइतवार, कार्तिक १६ गते २०८३
- ट्रेण्डिङ :
- # समाज
- # मनाेरञ्जन
नेकपा (एकीकृत समाजवादी) का अध्यक्ष माधवकुमार नेपालले अब हुने राष्ट्रियसभा र उपनिर्वाचनको सबै सिट गठबन्धनले जित्ने दाबी गरेका छन् ।
शुक्रबार काठमाडौँमा अखिल किसान महासंघको समन्वयमा उद्धार स्वयंसेवक आवद्ध समाजिक संस्था नेपालले आयोजना गरेको उत्कृष्ट युवा किसान सम्मान कार्यक्रममा बोल्दै नेपालले राष्ट्रियसभाको जम्मै सिट जित्ने र उपनिर्वाचन भएपनि सबै सिट गठबन्धनले नै जित्ने बताएका हुन् ।
नेपालले वैशाखमा स्थानीय तहको निर्वाचन जित्ने दाबी गरे । उनले सबैखाले निर्वाचनमा जित्नका लागि तयारी गर्न कार्यकर्तालाई निर्देशन पनि दिए ।
त्यस्तै, उनले कृषिमा नयाँ–नयाँ प्रविधिलाई उपयोग गर्दै उत्पादनमुखी बनाउनुपर्ने धारणा राखे । सहकारीको अधिकतम प्रयोगमा पनि उनले जोड दिए ।
कार्यक्रममा विभिन्न स्थानका किसानहरुलाई सम्मान गरिएको थियो ।
