बुधवार, कार्तिक १९ गते २०८३
- ट्रेण्डिङ :
- # समाज
- # मनाेरञ्जन
प्रधानमन्त्री शेरबहादुर देउवाले आइतबार (आज)को लागि सर्वदलिय बैठक बोलाउनु भएको छ ।
पूर्वनिर्धारित समय अनुसार आज अपरान्ह ४ बजे बैठक बस्ने छ ।
प्रधानमन्त्री देउवाले संसदमा जारी अवरोध र एमसीसीबारे छलफल गर्न प्रधानमन्त्री शेरबहादुर देउवाले सर्वदलीय बैठक बोलाउनु भएको हो । तर प्रमुख प्रतिपक्षी दल नेकपा एमालेले भने सर्वदलिय बैठकमा सहभागी नहुने बताएको छ ।
जसले प्रधानमन्त्री देउवाको एमसीसीबारे साझा धारणा बनाउँदै संसदमा एमालेको जारी अवरोध हटाउने चाहनामा धक्का पुगेको छ ।
यसअघि शुक्रबार नेकपा माओवादी केन्द्रका अध्यक्ष पुष्पकमल दाहाल प्रचण्डसँग भेट गरेसँगै सर्वदलिय बैठक बोलाउने निर्णय गर्नुभएको थियो ।
उता एमालेलले आफ्ना तत्कालीन एमाले सांसदहरुलाई कारवाही सिफारिस गरेपनि सभामुखले कारवाही नगरेको भन्दै संसद अवरोध गरिहेको छ ।
एमाले बाहेकका संसदमा प्रतिनिधित्व गर्नेदलका शीर्ष नेताहरु भने सर्वदलिय बैठका सहभागी हुनेछन् ।
प्रधानमन्त्रीका प्रमुख स्वकीय सचिव भानु देउवाका अनुसार संसद्को जारी गतिरोध अन्त्य गर्नका लागि भन्दै आजको बैठक बोलाइएको हो । ‘नेकपा एमालेको विरोधका कारण संसद अघि बढ्न सकेको छैन ।
त्यही भएर गतिरोध अन्त्य गरेर संसद्लाई सुचारु गर्न प्रधानमन्त्रीज्यूले पहल सुरु गर्नुभएको हो । सबै दलहरुलाई पत्र पठाइसकिएको छ,’ उनले भने । गत मंसिर २८ गते बैठक बोलाएपछि एमालेले निरन्तर रुपमा संसद् अवरुद्ध पार्दै आइरहेको छ ।
