बुधवार, कार्तिक १९ गते २०८३
- ट्रेण्डिङ :
- # समाज
- # मनाेरञ्जन
प्रमुख विपक्षी दल नेकपा एमालेलाई संसद अवरोध नगर्न संसदमा प्रतिनिधित्व गर्ने राजनीतिक दलहरुले आह्वान गरेका छन् ।
आइतबार बसेको सर्वदलीय बैठकले आफ्ना सहमति प्रकट गर्ने नाममा जननिर्वाचित संसदलाई बन्धन नबनाउन एमालेलाई आग्रह गरेको हो ।
सरकारका प्रवक्ता सञ्चार तथा सूचना प्रविधिमन्त्री ज्ञानेन्द्रबहादुर कार्कीले विरोध गर्ने र असहमति प्रकट गर्ने मूल थलो संसद नै भएकाले जननिर्वाचित संस्थालाई लामो समय बन्धक बनाउनु उचित नहुने बताए ।
‘प्रतिपक्षले उठाएको विषयमा संवाद गर्न र उपयुक्त सहमति खोज्न सरकार तयार छ’, कार्कीले बैठकको निष्कर्ष सुनाउँदै भने ।
एमाले केन्द्रीय समितिले आफ्ना सांसदहरुलाई गरेको कारबाहीलाई सभामुखले मान्यता नदिएको भन्दै नेकपा एमालेले लगातार संसद अवरोध गरिरहेको छ ।
सर्वदलीय बैठकले संघीय संसद निरन्तर अवरुद्ध हुँदा जनताका आवाज संसदबाट उठ्न नसकेको निष्कर्ष निकालेको उनले जानकारी दिए ।
