शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
इराकमा बाढीले दुइ जना नेपालीसहित १२ जनाको मृत्यु भएको छ ।
अत्यधिक बर्षापछि आएको बाढीका कारण इराकमा कम्तीमा १२ जनाको मृत्यु भएको इर्बिल प्रान्तका गभर्नर ओमेड खोश्नावले आइतबार जानकारी दिएका छन् ।
उनका अनुसार कम्तीमा १५ क्षेत्रमा बाढीको प्रभाव परेको छ । यस्तै बाढीले दुई हजार ५०९ घरमा क्षति पुगेको छ भने ८७६ घर नष्ट भएको अधिकारीहरुले जानकारी दिएका छ ।
राज्य कुर्दिस्तानमा बाढीले बगाउँदा दोलखाका पाल्देन शेर्पा र मोरङका औराज राईको ज्यान गएको छ । कुर्दिस्तान नेपाली समाजका अनुसार त्यहाँको अर्विलमा बाढीले उनीहरु सवार सवारी साधनलाई दुबैजनाको मृत्यु भएको हो ।
शेर्पा एक हप्ता र राई एक महिना अगाडि इराक गएका थिए । उनीहरु कार्यरत कम्पनीमा सहकर्मीहरुले नेपालमा शव पठाउनुपर्ने र उचित क्षतिपूर्ति दिनुपर्ने माग राख्दै शुक्रबार काम रोकेका थिए ।
समाचार अनुसार बाढीका कारण दुई करोडभन्दा बढीको भौतिक संरचनामा क्षति पुगेको छ ।
त्यस्तै खेतियोग्य जमिन, सडक, ढललगायतमा पनि क्षति पुगेको र सेवा अवरुद्ध भएको अधिकारीहरुले बताएका छन् । गत बिहीबार र शुक्रबार देशको इर्बिलसहितको कुर्दिश क्षेत्रमा भारी बर्षा भएको थियो ।
