बुधवार, कार्तिक १९ गते २०८३
- ट्रेण्डिङ :
- # समाज
- # मनाेरञ्जन
नेपाल कम्युनिष्ट पार्टी (माओवादी केन्द्र)को प्रथम राष्ट्रिय सम्मेलनमा अन्य पार्टीका नेताहरुलाई नबोलाउने भएको छ ।
आज सम्मेलनको विषयमा पत्रकार सम्मेलन गरेका पार्टीका प्रवक्ता कृष्ण बहादुर महाराले कसैलाई पनि नबोलाउने निर्णय भएको बताएको हो ।
यहि पुस ११ देखि १३ गतेसम्म काठमाडौँमा हुने सम्मेलनमा पार्टीभन्दा बहिरका कसैलाई पनि पाहुनाको रुपमा नबोलाउने महराले बताए ।
पार्टीको सम्मेलनमा माओवादीले प्रतिनिधि मुलक रुपमा मात्र आफ्नो पार्टीको नेताहरुलाई उपस्थित गराउने तयारी गरेको छ । त्यसको लागि देशभरबाट सम्मेलनमा आउने प्रतिनिधिहरुको टुङ्गो लगाइसकेको महराले जानकारी दिएको छ ।
सम्मेलनमा १५ सय ३३ जना सहभागी हुने महराले जनाएको छ ।
अहिलेसम्म प्रतिनिधिहरु आयोजकबाट १७९, सल्लाहकार समूहबाट १४९, जेष्ठ कम्युनिस्टबाट १२५, केन्द्रीय आयोगबाट ७५, केन्द्रीय विभागबाट १०२, केन्द्रीय प्रतिनिधि २७, प्रदेश प्रतिनिधिहरुबाट ८०३ र मनोनित ७३ जना गरी कूल १५३३ जना प्रतिनिधि सहभागी हुने महराले जानकारी दिए ।
प्रदेशहरुबाट ८ सय र अन्य विभिन्न कमिटीहरुबाट प्रतिनिधि छानिने महराले बुधबार पत्रकार सम्मेलनमा बताए । महाधिवेशनमा सहभागी हुने सबै प्रतिनिधिहरु चयन भइसकेको उनले जानकारी दिए ।
