- ट्रेण्डिङ :
नेकपा (माओवादी केन्द्र) प्रदेश १ अध्यक्षमा हर्क नेम्वाङ ‘मिक्सो’ विजयी भएका छन् । बुधबार माओवादी केन्द्र प्रदेश १ को नयाँ कार्यसमितिका लागि भएको निर्वाचनमा ‘मिक्सो’ अध्यक्षमा निर्वाचित भएका हुन् ।
मिक्सो १६९ मत प्राप्त गर्दै अध्यक्षमा विजयी भए । त्यस्तैगरी उनको निकटतम प्रतिद्वन्द्दी प्रत्याशी मुक्साहाङ मेन्याङ्बोले ६४ प्राप्त गरेका थिए । अध्यक्षका लागि भएको निर्वाचनमा ७ मत बदर भएको थियो ।
माओवादी केन्द्र प्रदेश १ को तीन उपाध्यक्षका लागि भएको निर्वाचनमा मणिकुमार साम्पाङ १११ मत प्राप्त गर्दै विजयी भएका छन् । देवान चाम्लिङ १२० र शिवकुमार डाँगीले पनि ११३ मत ल्याउदै उपाध्यक्षमा विजयी भएका छन् ।
त्यस्तैगरी सचिवका लागि भएको निर्वाचनमा गणेश उप्रेती (सुशील)ले १४८ प्राप्त गर्दै विजयी भएका छन् ।
उनका प्रतिद्वन्द्वी सिपी कडरियाले ८३ मत प्राप्त गरेका थिए ।
सहसचिवमा कुमारी राई (११४), सागर किराँती (७३) र ऋषिराम ढुंगाना (९५) विजयी भएका छन्।
कोषाध्यक्षमा भने ९३ मतका साथ रेवतराज पुरी ‘गगन’ विजयी भएका छन्। उनका निकटतम प्रतिद्वन्द्वी बन्दना झाँगडले ५७ मत प्राप्त गरिन्। ९ जना पदाधिकारीका लागि भएको निर्वाचन प्रक्रियामा २४० मतदाता थिए ।
जसमा २९ जनाले उम्मेदावरी दिएका थिए । त्यस्तै १९ जना मतदानमा सहभागी भएका थिएनन् ।
