- ट्रेण्डिङ :
गजल
क्षमता देखियो घरी यता घरी उता,फोहोरी खेलसँगै ।
चरी नाच्यो उतै काफल पाक्यो जता,फोहोरी खेलसँगै
लाज भन्ने कुरा बियर ह्विस्किसँग मिसाएर भुले कि त
कुर्सीको लागि बहकिन्छन् कता कता,फोहोरी खेलसँगै। ।
सतीले सरापेको देश भन्छन् नमिल्दो कुरा देख्दा मान्छेले
साँचो झुठो कुरा नागरिकलाई बता,फोहोरी खेलसँगै ।
ज्वालामुखी बिष्फोटनको लाभाको मुस्लो जस्तै दन्काएर
जन जनको रक्त कोषिकालाई तता,फोहोरी खेलसँगै । ।
वडा चलाउने हैसियत नहुनेले ठूलो पद पाउदा
लोभीलाई नीद हराम हुने गरि सता,फोहोरी खेलसँगै । ।
कृष्ण थापा,तानसेन पाल्पा
