- ट्रेण्डिङ :
नेपाल कम्युनिष्ट पार्टी(माओवादी केन्द्र)को आठौँ राष्ट्रिय महाधिवसनले केन्द्रीय समितिलाई पदाधिकारी टंग्याउने जिम्मा दिएको छ ।
आज बसेको बन्दसत्र हलले स्थायी समिति सदस्य देव गुरुङले पेस गरेको विधान मस्यौता पारित गरेपनि पदाधिकारी भने टुंग्याउन सकेन ।
बन्दसत्र हलमा पदाधिकारी टुंग्याउने विषयमा विभिन्न विकल्पहरु प्रस्तुत भएको थियो ।
बन्दसत्र हलमा पदाधिकारी प्रतिनिधि, केन्द्रीय समिति वा अन्य विधि कसरी टुंग्याउने भन्ने प्रस्ताव आएपछि केन्द्रीय समितिले टंग्याउने गरी हलले पारित गरेको संविधानसभा सदस्य तथा प्रतिनिधि तारानारायण श्रेष्ठ ‘बिगुल’ले बताए ।
उनले केन्द्रीय समितिले पदाधिकारी जतिसक्दो छिट्टो टुंग्याउने गरी बन्दसत्र हलले पारित गरेको बताए । अब माओवादी केन्द्रको पदाधिकारी टुंगो विराटनगर मोडलमा गएको छ।
महाधिवेसन हलले पदाधिकारीको संख्या कति तोक्ने निर्णय गर्न केन्द्रीय समितिलाई जिम्मा दियो।
अब केन्द्रीय समितिले आफ्नो अनुकूलमा टुंगो लगाउने र चयन गर्न सक्नेछ। यसअघि पनि २०७१ सालमा पनि विराटनगरमा भएको माओवादीको राष्ट्रिय सम्मेलनले केन्द्रीय सदस्य चयन गरे पनि पेरिसडाँडाबाट पदाधिकारीको चुनाव गरेको थियो।
