बुधवार, कार्तिक १९ गते २०८३
- ट्रेण्डिङ :
- # समाज
- # मनाेरञ्जन
नेकपा (एमाले)को १६ जिल्लामा आज अधिवेशन नहुने भएको छ ।
बाँकी जिल्लाहरुको अधिवेशन भने अध्यक्ष केपी शर्मा ओलीले भर्चुअल माध्यमबाट उद्घाटन गर्ने तयारी भएको प्रचार विभाग उपप्रमुख विष्णु रिजालले जानकारी दिए ।
प्रदेश नम्बर २ का सात जिल्लामा आन्तरिक विवादका कारण आज अधिवेशन नहुने भएको छ । सप्तरीबाहेक सिरहा, धनुषा, सर्लाही, महोत्तरी, बारा, रौतहट र पर्सा जिल्ला अधिवेशन रोकिएको एमालेले जनाएको छ ।
प्रदेश नम्बर १ मा सङ्खुवासभाको जिल्ला अधिवेशन भने २६ पुसमा हुने भएको त । त्यहाँ अध्यक्ष ओली आफैँ जाने तयारी भएकाले अधिवेशन रोकिएको हो ।
रोल्पामा जिल्ला सचिवको निधन भएकाले अधिवेशन रोकिएको छ ।
बाँकी जिल्लाहरुमा भने चिसो र हिमपातका कारण अधिवेशन नहुने भएको छ । मनाङ, मुस्ताङ, रुकुमपूर्व, हुम्ला, मुगु, कालिकोट र बझाङमा आज अधिवेशन नहुने प्रचार विभाग उपप्रमुख रिजालले बताए ।
