- ट्रेण्डिङ :
भारतमा कोरोना संक्रमितको संख्यामा हरेक दिन तीब्र वृद्धि भइरहेको छ । पछिल्लो तीन दिनदेखि कोरोना संक्रमितको संख्याले लगातार एक लाखको आँकडा पार गरिरहेको छ । शनिबार त यहाँ कोरोना संक्रमणका डेढ लाखभन्दा बढी संक्रमित भेटिएका थिए ।
हिन्दुस्तान टाइम्सको खबर अनुसार कोभिड–१९ को प्रसारको संकेत दिने आर फ्याक्टर वा आर भ्यालु यस हप्ता चार दर्ता गरिएको छ । यसले संक्रमण दर असाध्यै धेरै भएको इंगित गर्छ ।
आर फ्याक्टरले एक संक्रमित व्यक्तिले कतिजनालाई संक्रमित गर्न सक्छ भन्ने कुरा बताउँछ । यदि यो फ्याक्टर एकभन्दा तल जान्छ भने यो महामारी समाप्त भएका मानिनेछ ।
आईआईटी मद्रासको सुरुवाती विश्लेषणमा तेस्रो लहर १ देखि १५ फेब्रुअरीका बीच उत्कर्षमा पुग्ने आशंका जताइएको छ ।
आइआइटी मद्रासको कम्प्युटेशनल मोडलिङको प्रारम्भिक विश्लेषणको आधारमा अघिल्लो हप्ता आर फ्याक्टर राष्ट्रिय स्तरमा २.९ लगभग थियो । यो हप्ता यो संख्या चार दर्ता गरिएको छ ।
पत्रिकाका अनुसार दिल्लीमा आर भ्यालु ४.३५ छ, बिहारमा यो ४.५५, झारखण्डमा ५.० र उत्तर प्रदेशमा ३.३२ छ ।
दिल्लीका ६ प्रमुख अस्पतालका कम्तिमा ७५० डाक्टर, सयभन्दा बढी नर्स र प्यारामेडिक कोभिड पोजेटिभ भएका छन् । यद्यपि, तीमध्ये धेरैमा कोरोना संक्रमणका लक्षण साधारण छन् तर यसले अस्पतालमा कार्यक्षमता असाध्यै धेरै प्रभावित भइरहेको छ ।
इन्डियन एक्सप्रेसमा छापिएको खबर अनुसार यी सबै स्वास्थ्यकर्मी हाल आइसोलेशनमा छन् र आफ्नो घरमा नै छन् तर उनीहरुको अनुपस्थितिले अस्पताललाई आफ्नो नियमित कार्यक्षमता घटाउनु परिरहेको छ । रुटिन क्लिनिक्स र सर्जरीमा अखिल भारतीय आयुर्विज्ञान संस्थान यो संकटसँग सबैभन्दा बढी जुधिरहेको छ ।
एम्समा हाल ३५० डाक्टर यतिबेला आइसोलेशनमा छन् । अस्पतालका एक रेजिडेन्ट डाक्टरले केही फ्याकल्टी मेम्बर्स र धेरैजसो नर्स र प्यारामेडिक्स पनि कोरोनाद्वारा संक्रमित भएको बताए ।
