शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
एजेन्सी । अमेरिकाको न्युयोर्कस्थित एउटा अपार्टमेन्टमा आगो लाग्दा कम्तिमा १९ जनाको मृत्यु भएको छ ।
मृत्यु हुनेमा नौ बालबालिका समेत परेका छन् । आगलागीमा दर्जनौं घाईते भएका छन् ।
आइतबारको आगलागीलाई अमेरिकी आगलागीको इतिहासमै खराब मानिएको छ ।
१९ तले सो भवनको दोस्रो तलाबाट आगो लागेको हो । ‘आगलागीमा १९ जनाको मृत्यु भएको पुष्टि भएको छ । आगलागीका घाईतेहरुको अवस्था गम्भीर छ,’ न्युयोर्कका मेयर इरिक एडम्सले भने ।
आगलागीमा कम्तिमा ६३ जना घाईते भएका छन् । आगलागीपछि २०० जना अग्नि नियन्त्रकहरु आगो निभाउन खटिएका थिए ।
आगो लागेपछि भवनभित्र फँसेका मानिसहरुको चित्कारले नजिकको वातावरण नैभयभित भएको थियो ।
आगलागीको कारण खुलेको छैन् । सर्ट सर्किटका कारण आगो लागेको हुन सक्ने अनुमान गरिएको छ ।
प्रहरीले आगलागीबारे अनुसन्धान गरिरहेको बिबिसीले जनाएको छ ।
