बुधवार, कार्तिक १९ गते २०८३
- ट्रेण्डिङ :
- # समाज
- # मनाेरञ्जन
सात विद्यार्थी संगठनले विद्यार्थीबाट चर्को शुल्क माग्ने नोबेल मेडिकल कलेज, काठमाडौं मेडिकल कलेज, मणिपाल मेडिकल कलेजको सम्बन्धन खारेज गर्न माग गरेका छन् ।
बिहीबार शिक्षा, विज्ञान तथा प्रविधिमन्त्री देवेन्द्र पौडेललाई ज्ञापन पत्र बुझाउँदै विद्यार्थी संगठनले चिकित्सा शिक्षा आयोगले तोकेकोभन्दा बढी शुल्क लिने उक्त कलेजहरुमाथि छानविन गर्दै सम्बन्धन खारेज गर्न माग गरेका हुन् ।
त्यस्तै, उनीहरुले तोके भन्दा बढी शुल्क विद्यार्थीमाथि लाद्न खोजिएको र विद्यार्थीहरुमाथि नै धाकधम्की र ठगीविरुद्ध कानुनबमोजिम कडा कारबाहीका लागि माग गरेका छन् ।
ज्ञापन पत्र बुझ्दै शिक्षामन्त्री पौडेलले तीनवटै कलेजको विषयमा उठेका प्रश्नको छानबिन सुरु गरिसकेको बताए ।
उनले राज्यले कानुन हेर्ने भएकाले कानुनअनुसार काम नभएको पाइए कलेजहरुलाई कारबाही गर्ने स्पष्ट पारे ।
नेविसंघ, अखिल क्रान्तिकारी, अनेरास्ववियू, समाजवादी विद्यार्थी युनियन, विप्लवनिकट अखिल क्रान्तिकारी, अखिल छैटौँले शिक्षा मन्त्रीलाई ज्ञापन पत्र बुझाएका हुन् ।
