बिहिवार, कार्तिक २० गते २०८३
- ट्रेण्डिङ :
- # मनाेरञ्जन
सत्ता घटक नेकपा (माओवादी केन्द्र) का अध्यक्ष पुष्पकमल दाहाल प्रचण्डले प्रदेश–२ को नामाकरण र राजधानी कायम हुन सकेकोमा खुसी ब्यक्त गरेका छन ।
प्रदेशको नामाकरण र राजधानी आफ्नो पार्टीको मुद्धा अनुसार कायम भएको भन्दै अध्यक्ष प्रचण्डले खुसी ब्यक्त गर्दै बधाइ दिएका हुन ।
आज एक बिज्ञप्ति जारी गर्दै अध्यक्ष प्रचण्डले प्रदेश नामाकरण माओवादीले उठाउदै आएको पहिचानसहितको संघियताको मर्म अनुसार भएको प्रतिक्रिया दिएका छन ।
यस अवसरमा उनले प्रदेश–२ का सांसदहरु र आम जनताहरुमा बधाइसहितको ज्ञापन गरेका छन् । सोमबार प्रदेशसभामा प्रदेश–२ को नाम र राजधानी टुङ्गो लगाउन निर्वाचन भएको थियो ।
जसमा प्रदेशको नाममा मधेस र प्रदेश राजधानी जनकपुरमा राख्ने पक्षमा दुईतिहाइ मत परेको थियो । सो मतदानको परिणामसँगै प्रदेश को नाम मधेस र स्थायी राजधानी जनकपुर कायम भएको छ ।
माओवादी अध्यक्ष प्रचण्डको शुभकामना सन्देशमा भनिएको छ– ‘हाम्रो पार्टीले उठाउदै आएको पहिचान सहितको संघीयताको मर्म अनुसार नै प्रदेश नं, २ को प्रदेश सभा बैठकले प्रदेशको नाम मधेस प्रदेश र प्रदेशमुकाम रराजधानी जनकपुर बनाउन सफलता प्राप्त गरेकोमा माननीय प्रदेशसभाका सम्पुर्ण सदस्यहरु र मधेस प्रदेशका सबै न्यायप्रेमी जनसमुदायमा हार्दिक बधाई एवं शुभकामना व्यक्त गर्दछु।’
