- ट्रेण्डिङ :
स्थानीय निकायको निर्वाचन अगाडि प्रतिनिधि सभाको निर्वाचन गर्न खोजिए नेकपा एमालेले बहिष्कार गर्ने संकेत गरेको छ ।
एमालेका नेताहरुले वैशाखमा प्रतिनिधि सभाको चुनाव गरेर पछि मात्र स्थानीय चुनाव गर्न खोजिए कडा रुपमा प्रस्तुत हुने चेतावनी दिइसकेका छन् ।
एमाले अध्यक्ष केपी शर्मा ओलीनिकट नेताहरु ईश्वर पोखरेल, प्रदीप ज्ञवालीलगायतले स्थानीय चुनाव पछि धकेले कडा कदम चाल्ने चेतावनी दिएका छन् ।
पूर्व महान्यायाधिवक्ता अग्नी खरेलले सडक संघर्षमा जाने चेतावनी दिइसकेका छन् ।
ओलीले प्रचण्डले बोल्नु अघि नै स्थानीय चुनाव टार्न खोजिएको बताइसकेका छन् ।
उनले कुनै संकेत पाएरै बोलेका थिए । नभन्दै प्रचण्डले वैशाखमा प्रतिनिधि सभाको चुनाव गरेर कात्तिकमा स्थानीय चुनाव गर्ने प्रस्ताव गरे ।
एमाले नेताहरुको अभिव्यक्तिले स्थानीय चुनाव पछि सारेमा मूठभेडको सम्भावना बढेर गएको छ ।
यसले संवैधानिक संकट आएर नयाँ राजनीतिक घटनाक्रम विकास हुने सम्मको खतरा देखिएको छ ।
