शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
सत्तारुढ पाँच दलीय गठबन्धनको आज बैठक बस्ने भएको छ ।
निर्धारित समयमै स्थानीय तहको निर्वाचन सम्पन्न गर्न छलफल गर्न आज विहान ९ बजे प्रधानमन्त्री निवास बालुवाटारमा गठबन्धनको बैठक बस्न लागेको हो ।
यसअघि शुक्रबार प्रधानमन्त्री देउवा, माओवादी केन्द्रका अध्यक्ष प्रचण्ड र नेकपा (एकीकृत समाजवादी) का अध्यक्ष माधवकुमार नेपालबीचको छलफलमा गठबन्धनको बैठक डाकी निर्वाचनको मिति तोक्ने विषयमा सहमति भएको थियो ।
यद्यपी गठबन्धनमा आवद्ध दलहरुबीचमा आगामी निर्वाचनलाई लिएर एकमत देखिएको छैन ।
प्रधानमन्त्री देउवा स्थानीय तहको निर्वाचन पहिले गर्ने पक्षमा रहेका छन् भने गठबन्धनका अन्य नेताहरु संघीय निर्वाचनमा जानुपर्ने तर्क गरिरहेका छन् ।
तीन नेताहरुबीच भएको छलफलमा सरकारको कामको प्रभावकारिता र सदनमा पेश गर्ने अमेरिकी परियोजना (एमसीसी) का बारेमा पनि छलफल भएको बताइएको छ ।
प्रधानमन्त्री देउवा एमसीसी संसदमा पेश गर्ने ‘मुड’ मा रहेका छन् भने गठबन्धनका अन्य दलहरु यसको परिमार्जनका पक्षमा रहेका छन् ।
