शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
प्रधानमन्त्री शेरबहादुर देउवाले अमेरिकी सहयोगसम्बन्धी परियोजना मिलिनियम च्यालेन्ज कम्प्याक्ट (एमसिसी) पारित नभए पाँच दलीय सत्ता गठबन्धन तोड्ने चेतावनी दिएका छन् ।
उनले प्रनिधिसभाको चालु अधिवेसनबाटै एमसिसी पास गर्न पाँच दलीय गठबन्धनलाई दबाब दिएका छन् । यदि प्रतिनिधिसभाबाट एमसिसी पास नभए पाँच दलीय गठबन्धन टुट्ने उनले चेतावानी दिएका छन् ।
शनिबार पाँच दलीय गठबन्धनको बैठकमा एमसिसीको विषयमा छलफल गर्ने क्रममा यस्तो बताएका हुन् । बालुवाटारमा भएको छलफलमा राष्ट्रिय जनमोर्चाबाहेक चार दलका शीर्ष नेताहरु र कार्यदलका सदस्यहरु झलनाथ खनाल, नारायणकाजी श्रेष्ठ र ज्ञानेन्द्रबहादुर कार्की उपस्थित थिए ।
बैठकमा प्रधानमन्त्री देउवाले १ फेब्रुअरीसम्म एमसिसी अनुमोदन नगराए अमेरिकाले यो परियोजना फिर्ता लैजाने भन्दै संसदबाट अनुमोदन गर्न दबाब दिएका थिए ।
फेब्रुअरी १ सम्म एमसिसी अनुमोदन गराउन अमेरिकाले प्रधानमन्त्रीलाई दबाव दिइरहेको भन्दै उनले जसरी पनि यो योजना पास गर्नुपर्ने बताएका छन् ।
माओवादी केन्द्र र एकीकृत समाजवादीका नेताहरु त्यसमा सहमत छैनन्। कार्यदलमा रहेका माओवादी केन्द्रका नेताहरुले यही अवस्थामा संसदबाट एमसीसी सम्झौता अनुमोदन गर्न नसकिने बताएका छन्।
