आइतवार, कार्तिक १६ गते २०८३
- ट्रेण्डिङ :
- # समाज
- # मनाेरञ्जन
नेकपा माओवादी केन्द्रका नेता नारायणकाजी श्रेष्ठले सत्तारुढ गठबन्धनमा एमसीसी सम्झौता पारित गर्ने सहमति नभएको बताएका छन् । आइतबार बसेको गठबन्धनको बैठकमा एमसीसी पारित गर्ने सहमति भएको समाचारहरु प्रकाशित भएको थियो ।
त्यस्तै एमसीसी पारित नगरे प्रधानमन्त्री देउवाले गठबन्धत तोड्ने धारणा राखेको समाचारहरु पनि आाएका थिए । उक्त समाचारहरु प्रकाशित भएपछि नेता श्रेष्ठले सो कुरा बताएका हुन् ।
अहिले एमसीसीको विषयमा छलफल नै नहुने र नभएको भन्दै नेता श्रेष्ठले यथास्थितिमा आफ्नो पार्टी एमसीसी पारित गर्ने पक्षमा नरहेको समेत बताएका छन् ।
‘कुनै भ्रममा नपरौंः प्रमले एमसीसीसँगको सँझौता पारित नगरे गठबन्धन तोडिन्छ भनेर भन्नुभएको भन्ने सत्य होइन । आजको बिन्दुसम्म उहाँले त्यसो भन्नुभएको छैन ।
गठबन्धनमा एमसीसी कम्प्याक्ट सँझौता पारित गर्ने सहमति भयो भन्नेकुरा पनि सत्य होइन । कमसेकम हाम्रो पार्टी यथास्थितिमा त्यसको पक्षमा छैन ।’
