बुधवार, कार्तिक १९ गते २०८३
- ट्रेण्डिङ :
- # समाज
- # मनाेरञ्जन
राष्ट्रिय सभा सदस्य, पूर्वउपप्रधानमन्त्री तथा पूर्वएमाले उपाध्यक्ष वामदेव गौतमले नयाँ पार्टी दर्ता गर्ने तयारी गरेका छन् । उनका सचिवालयका अनुसार केही दिनमा उनले निर्वाचन आयोगमा नयाँ पार्टी दर्ता गर्ने तयारी गरेका छन् ।
६ वर्षको लागि राष्ट्रिय सभा सदस्य बनेका गौतम २०७४ सालको संसदीय चुनावमा बर्दिया–१ मा पराजित भएका थिए । उनलाई केपी शर्मा ओली नेतृत्वको सरकारले २०७७ मा राष्ट्रिय सभा सदस्य मनोनित गर्न सिफारिस गरेको थियो। सरकारको सिफारिलाई राष्ट्रपति विद्यादेवी भण्डारीले सदर गरेकी थिइन् ।
तत्कालीन नेपाल कम्युनिष्ट पार्टी हुँदा गौतम उपाध्यक्ष थिए । नेकपा विभाजनपछि पनि उनी एमाले उपाध्यक्ष थिए। एमाले विभाजन भएपछि गौतमले उपाध्यक्षबाट राजीनामा दिए पनि पुन एमालेमा जाने सम्भावना रहेको थियो ।अब नयाँ पार्टी दर्ता प्रक्रियाले एमालेलाई धक्का लागेको छ ।
उनी माधवकुमार नेपाल नेतृत्वको नेकपा (एकीकृत समाजवादी)मा पनि गएनन् । उनी एमालेको १० औँ राष्ट्रिय महाधिवेसनमा पनि सहभागी भएका थिएनन् । २०५४ मा एमालेबाट विभाजित भएर गौतमले आफ्नो नेतृत्वमा नेकपा (माले) गठन गरेका थिए।
मालेले चार वर्षपछि २०५८ मा एमालेसँग एकता गरेको थियो।
