आइतवार, कार्तिक १६ गते २०८३
- ट्रेण्डिङ :
- # समाज
- # मनाेरञ्जन
नेकपा (एकीकृत समाजवादी)का अध्यक्ष माधवकुमार नेपालले गठबन्धन तोड्नका लागि केपी ओलीले अनावश्यक भ्रम पैदा गर्न खोजेको आरोप लगाएका छन् ।
बुधबार काठमाडौँमा आयोजित पार्टी प्रवेश कार्यक्रममा अध्यक्ष नेपालले आफू कमजोर भएपनि गठबन्धन तोड्नका लागि ओलीले अनावश्यक भ्रम पैदा गर्न खोजेको आरोप लगाएका हुन् ।
उनले गठबन्धन तोड्न आपसी अविश्वास पैदा गर्न खोजिएको भन्दै जाल झेल र षडयन्त्रमा पर्न नहुने तर्क गरे ।
एमसीसीलाई पास गरे कांग्रेसलाई साथ दिने भन्दै एमालेले गलत तरिका अपनाउन खोजेकाले सबै सचेत हुनुपर्ने उनको भनाइ छ ।
अध्यक्ष नेपालले आफूहरुले गठबन्धन दलका नेताहरुसँग छलफल गरेको र गठबन्धनलाई बलियो बनाउने विषयमा कुराकानी भएको जानकारी दिए ।
उनले अहिले पनि केपी ओलीमा व्यक्तिवाद हाबी भएको तर्क गरे । कार्यक्रममा अध्यक्ष नेपालले सिन्धुपाल्चोकबाट विभिन्न पार्टी परित्याग गरी दर्जनौँ नेता–कार्यकर्तालाई नेकपा एसमा प्रवेश गराएका थिए ।
नेकपा एस प्रवेश गर्नेहरुमा अधिकांश नेकपा एमालेका छन् ।
