- ट्रेण्डिङ :
अमेरिकी सहयोग परियोजना मिलेनिय च्यालेञ्ज कर्पोरेसन (एमसीसी) आफू रक्षामन्त्री हुँदा स्वीकृत गरिएको आरोप लागेपछि नेकपा (एमाले)का नेता डा.भीम रावलले खण्डन गरेका छन् ।
एक सञ्चार माध्यमले रावल रक्षामन्त्री भएकै बेला एमसीसीमा अमेरिकी कानुन लागु हुने सम्झौता भएको दाबी गर्दै समाचार लेखेपछि रावलले त्यो कुराको अस्वीकार गरेका हुन् ।
उनले उक्त ‘कुप्रचार’ एमसीसीका राष्ट्रघाती प्रावधान अनुमोदन गराउने षड्यन्त्र भएको आरोप पनि लगाएका छन् ।
उनले सामाजिक सञ्जाल ट्विटरमा लेखेका छन्,“उत्तर– यो कुप्रचार एमसीसीका राष्ट्रघाती प्रावधानहरूलाई अनुमोदन गराउने षडयन्त्र हो ।
यसमा उल्लेखित सम्झौतालाई कार्यदलको प्रतिवेदनमा विरोध गरेका छौँ । म रक्षा मन्त्रालयमा छँदा स्वीकृत गरिएको होइन । मन्त्रिपरिषद्बाट सहमति दिइएको मलाई जानकारी छैन ।
कसैले छलेर गरेको भएपनि मान्य हुन सक्दैन ।”
