बुधवार, कार्तिक १९ गते २०८३
- ट्रेण्डिङ :
- # समाज
- # मनाेरञ्जन
नेकपा माओवादी केन्द्रका अध्यक्ष पुष्पकमल दाहाल प्रचण्डले जवर्जस्ती एमसीसी पास गर्नेतिर प्रधानमन्त्री शेरबहादुर देउवा लाग्ने हो भने सरकार छाड्ने चेतावनी दिएका छन् ।
जसरी पनि एमसीसी पास गर्ने पक्षमा प्रधानमन्त्री देउवा देखिएको भन्दै प्रचण्डले सरकार र गठबन्धन छाड्न तयार रहेको बताएका छन् ।
प्रधानमन्त्री र प्रचण्डले एमसीसीलाई केही महिनाअघि लेखेको पत्र सार्वजनिक भएलगत्तै प्रचण्डले प्रधानमन्त्रीले फोन गरी आफू एमसीसी पारित गर्ने पक्षमा नरहेको स्पष्ट पारेका हुन् ।
एमसीसी पारित नगर्ने योजनाका साथ केही महिना झुलाउन लेखिएको पत्र समय घर्केपछि प्रधानमन्त्रीकै चाहनामा सार्वजनिक गरिएको खुमलटारको बुझाई छ ।
खुमलटार स्रोतले भने– ‘पारित नगर्ने साल्लाह बमोजिम एमसीसीलाई झुलाउन पत्र लेखिएको थियो । त्यो पत्रमा भनिएको समय पनि घर्किसक्यो ।
समय घर्केपछि पत्र सार्वजनिक गर्नुको अर्थ दबाब दिएर एमसीसी पारित गर्न खोज्नु हो । त्यो कुनै पनि अवस्थामा स्वीकार्य छैन ।’ पत्र सार्वजनिक भएसँगै प्रचण्डले देउवालाई फोन गरेर भने– ‘तपाई जसरी पनि एमसीसी पारित गर्ने पक्षमा हुनुहुन्छ भन्ने प्रष्ट भयो ।
यदि, त्यो हो भने ओली (केपी शर्मा ओली)सँग मिलेर पारित गर्नुस् । हामी सरकारमा रहन्नौ ।’
