बुधवार, कार्तिक १९ गते २०८३
- ट्रेण्डिङ :
- # समाज
- # मनाेरञ्जन
काठमाडौं महानगरपालिकाका मेयर विद्यासुन्दर शाक्यले आगामी स्थानीय निर्वाचनमा पुन: मेयरको उम्मेदवार बन्ने संकेत गरेका छन् ।
बिहीबार काठमाडौंका वडा – २१ गोफल टोलमा निर्माण भइरहेको फल्चा र पार्कको शिलान्यास कार्यक्रममा बोल्दै मेयर शाक्यले पार्टीले जिम्मेवारी दिए आउदो स्थानीय तहको निर्वाचनमा पनि काठमाडौं महानगरको मेयरमा उम्मेदवारी दिने बताएका हुन् ।
पछिल्लो समय मेयर शाक्यले काठमाडौं महानगर भित्रका सम्पदाका निर्माण कार्य तथा पुराना सांस्कृतिक सम्पदाहरुको शिलान्यास गरिरहेका छन् ।
उनले शिलान्यासपछि सम्पदाहरुको निर्माण कार्य चाँडै पूरा हुने पनि दावी गरिरहेका छन् । फल्चा र पार्कको शिलान्यास गर्दै उनले भने, ‘म एउटा पार्टीको कार्यकर्ता हुँ ।
पार्टीले आवश्यकता अनुसार कुन जिम्मेवारी दिने हो । पार्टीले जिम्मेवारी दिए पुन मेरो उम्मेदवारी रहन्छ । काठमाडौं महानगरमा हामी जित्ने गरेर तयारी गरिरहेका छौँ।’
