शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
एजेन्सी । रुसी राष्ट्रपति भ्लादिमिर पुटिनले आफ्ना सैनिकलाई रुसी नियन्त्रणमा रहेको युक्रेनको दक्षिण पूर्वी क्षेत्रमा प्रवेश गर्न आदेश दिएका छन ।
पूर्वी युक्रेनको लुहान्स्क र डोनेट्स्कलाई अलग देशको मान्यता दिएलगत्तै पुटिनले आफ्ना सेनालाई त्यस क्षेत्रमा जाने आदेश दिएका हुन । पुटिनले दुवै क्षेत्रमा शान्ति स्थापनाका लागि रुसी सेनाले भूमिका खेल्ने दाबी गरेका छन्।
उनले डोनेट्स्क र लुहान्सक प्राचीन रुसी क्षेत्र भएको बताएका छन । पुटिनले दुवै क्षेत्रलाई अलग देशको मान्यता दिँदै सोमबार राति विद्रोहीसंगको सम्झौतामा हस्ताक्षर गरेको बिबिसीले जनाएको छ।
त्यस क्षेत्रमा विद्रोहीहरुले सन २०१४ देखि युक्रेनी सेनासँग लड्दै आइरहेको छ । रुसी राष्ट्रपति पुटिनको यो पछिल्लो कदमलाई बेलायती प्रधानमन्त्री बोरिस जोनसनले युक्रेनी संप्रभुता र एकताको उल्लंघन भएको प्रतिक्रिया दिएका छन ।
त्यस्तै रुसी सेनाले पूर्वी युक्रेनमा शान्ति कायम गर्ने रुसी राष्ट्रपति पुटिनको दावीलाई अष्ट्रेलिका प्रधानमन्त्री स्कट मोरिसले खारेज गरेका छन । रुसका एक लाख ५० हजार भन्दा बढी सेना युक्रेनी सीमामा तौनाथ छन ।
