शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
प्रधानमन्त्री शेरबहादुर देउवाले अमेरिकी सहयोग परियोजना मिलेनियम च्यालेञ्ज कर्पोरेसन (एमसीसी) संसद्बाट अनुमोदन भएपछि विश्वमाझ नेपालको विश्वासनीयता बढेको बताएका छन् ।
बिहीबार बालुवाटारमा बसेको ४ दलीय गठबन्धनको बैठकमा प्रधानमन्त्री देउवाले यस्तो बताएका हुन् । बैठकपछि बोल्दै सरकारका प्रवक्ता एवम् सञ्चार तथा सूचना प्रविधिमन्त्री ज्ञानेन्द्रबहादुर कार्कीले यसबारे जानकारी दिएका हुन् ।
प्रधानमन्त्री देउवाले आजको बैठकमा संसद्बाट एमसीसी पारित गर्न सघाएको भन्दै गठबन्धनका सदस्य दलहरुलाई धन्यवाद पनि दिएको मन्त्री कार्कीले बताए ।
नेपाली कांग्रेसका सभापतिसमेत रहेका प्रधानमन्त्री देउवाले गठबन्धन सम्बद्ध सबै पार्टीमा रहेको अप्ठ्यारो र तनावका बाबजुद एमसीसी अनुमोदन हुन सकेकोमा खुसी व्यक्त गरेका छन् ।
बैठकपछि बोल्दै मन्त्री कार्कीले एमसीसी अनुमोदनपछि गठबन्धन झनै बलियो भएकाले अझै अगाडि बढ्ने बताएका छन् ।
