- ट्रेण्डिङ :
नेकपा एमालेका प्रमुख सचेतक विशाल भट्टराईले जारी संसद अवरोधन कायमै रहेको बताएका छन् ।
एमाले प्रमुख सचेतक भट्टराईले संसदीय समितिमा यसअघि पनि भाग लिएकोले यसपटक पनि त्यही गरेको, महाभियोग सिफारिस समितिमा बसे पनि संसद अवरोध कायमै रहने स्पष्ट पारेका हुन् ।
उनले एमालेका मागहरु यथावतै रहेको भन्दै आफूहरूको सभामुखप्रति असहमति र आलोचना कायमै रहेको बताए । ‘हामीले यो घट्नालाई गम्भीर रूपमा लिएका छौ ।
त्यसका लागि हामीले उच्च तहको नेतृत्व पठाएका छौ । हाम्रो पार्टीका उपाध्यक्ष र मन्त्री भएकानै तीन जना छन्’ उनले भने, ‘समितिमा त हामी पहिलैदेखि सामेल भइरहेका छौ ।
हरेक समितिमा हामी छौ । अरु कुरामा हाम्रा बिमती बाँकी नै छन् ।’ समितिमा एमालेबाट बिष्णु पौडेल, लालबाबु पण्डित, शिवमाया तुम्बाहाम्फे र कृष्णभक्त पोखरेल छन् ।
समितिहरुमा अरूलाई वाकओभर छोड्ने एमालेको नीति नरहेको उनको भनाई छ । न्यायलयमा देखिएको अराजकता, अस्थिरता र उछृङखलतालाई गम्भीरतापूर्वक लिएको उनको भनाई छ ।
