मंगलवार, कार्तिक १८ गते २०८३
- ट्रेण्डिङ :
- # समाज
- # मनाेरञ्जन
पूर्वमन्त्री तथा समाजवादी जनता पार्टी (सजपा)का अध्यक्ष प्रेमबहादुर सिंह र अभिनेत्री करिष्मा मानन्धर आज नेकपा (एमाले)मा प्रवेश गर्दै छन् । पूर्वमन्त्री सिंहको नेतृत्वमा रहेको दल नै एमालेमा समाहित हुन लागेको हो ।
दिउँसो १ बजे पार्टी केन्द्रीय कार्यालय (थापाथली)मा अध्यक्ष केपी शर्मा ओलीले पार्टी प्रवेश गराउने कार्यक्रम रहेको एमाले केन्द्रीय प्रचार विभाग उपप्रमुख विष्णु रिजालले जानकारी दिए ।
सिंह २०७३ सालमा पुष्पकमल दाहाल‘प्रचण्ड’ नेतृत्वको सरकारमा खानेपानी मन्त्री बनेका थिए ।
यस्तै अभिनेत्री मानन्धरले डा.बाबुराम भट्टराई नेतृत्वको तत्कालीन नयाँ शक्ति पार्टीबाट दलगत राजनीति सुरु गरेकी थिइन् । तर, पछि निष्क्रिय रहिन् ।
अहिले फेरि एमालेबाट राजनीतिक यात्रा अगाडि बढाउन लागेकी हुन् ।
