- ट्रेण्डिङ :
कोरोना भाइरसको संक्रमणबाट ज्यान गुमाउनेको संख्या १ सय ९५ पुगेको छ । पछिल्लो २४ घन्टामा १२ जनाको ज्यान गएको स्वास्थ्य तथा जनसंख्या मन्त्रालयले जनाएको छ ।
नेपालमा कोरोना भाइरस संक्रमितको संख्या पनि ३६ हजार नाघेको छ । पछिल्लो २४ घन्टामा देशका विभिन्न ठाउँमा ९ सय २७ जनामा कोरोना संक्रमण भएको मन्त्रालयले जनाएको छ ।
मन्त्रालयका प्रवक्ता डा.जागेश्वर गौतमले विभिन्न जिल्लामा थपिएका ९ सय २७ जनासहित देशभर संक्रमितको संख्या ३६ हजार ४ सय ५६ पुगेको जानकारी दिए ।
संक्रमितमध्ये २० हजार २ सय ४२ जना उपचारपछि घर फर्किएका छन् भने १९५ जनाको ज्यान गएको छ ।
