- ट्रेण्डिङ :
नेपाली कांग्रेसका वरिष्ठ नेता रामचन्द्र पौडेलले वैशाख ३० गते हुने स्थानीय तह निर्वाचनमा गठबन्धन गर्नुपर्ने बताएका छन् ।
सोमबार पार्टीको केन्द्रीय समिति बैठकमा उनले गठबन्धन गरेर जानुपर्ने बताएका हुन् । कांग्रेसभित्र चुनावमा गठबन्धन गरेर जाने वा एक्लै प्रतिस्पर्धा गर्ने भन्नेमा मतभेद चर्किएको बेला उनले यस्तो धारणा राखेका हुन् ।
सभापति शेरबहादुर देउवा गठबन्धनको पक्षमा छन् भने शेखर कोइराला पक्ष गठबन्धनको विपक्षमा छन् । पौडेलले भने गठबन्धन नगरी जाँदा नेकपा एमालेलाई फाइदा हुने भन्दै त्यो काम कांग्रेसले गर्न नहुने पनि बताए ।
‘ओलीलाई थप बलियो बनाउने कार्य कांग्रेसले गर्नहुन्न ।
बरु प्रचण्ड-माधवलाई अलिअलि मत थप्ने काम कांग्रेसले सहयोग गर्नुपर्छ’ बैठकमा पौडेलको भनाइ उधृत गर्दै एक केन्द्रीय सदस्यले भने ।
