आइतवार, कार्तिक १६ गते २०८३
- ट्रेण्डिङ :
- # समाज
- # मनाेरञ्जन
जाजरकोट छेडागाड गाउँपालिका ३ का एक दलित युवाले एमालेबाट कांग्रेसमा प्रवेश गरेकै कारण खुटाई खाएका छन् ।
उनी आफ्नै साथीबाट रगताम्य हुनेगरी कुटाइ खाएका हुन् । प्रहरीले जनाए अनुसार जातीय अपहेलित हुने शब्दको प्रयोग गर्दै सोही गाउँका नेकपा एमाले जिल्ला कमिटी सदस्य सत्यनारायण गिरीले उनलाई कपडा खोलेर रगताम्य हुनेगरी कुटपिट गरेका हुन् ।
सत्यनारायण गिरीले लालबहादुर नेपालीलाई जातीय अपहेलित हुने शब्द प्रयोग गर्दै रगताम्य हुनेगरी कुटपिट गरेको जिल्ला प्रहरी कार्यालय जाजरकोटले जनाएको छ ।
जाजरकोट प्रहरीका सूचना अधिकारी प्रहरी इन्सपेक्टर खुमानन्द पाण्डेका अनुसार घटना आइतबार साँझ साढे ६ बजेको हो । ‘‘गिरी र नेपाली पहिलेदेखि एमाले पार्टीमा आवद्ध एउटै गाउँका साथी रहेछन् ।
आइतबार गिरी र पिडित नेपालीले स्थानीय दिनेशको होटलमा बसेर जाँडरक्सी खाएका रहेछन् । रक्सी खाने क्रममा पार्टी प्रवेशकै विषयमा विवाद भएछ । त्यसपछि नेपालीमाथि हातपात भएको रहेछ,” उनले भने ।
केही दिन पहिले नेपाली एमालेबाट कांग्रेसमा प्रवेश गरेका थिए । अहिले उक्त पीडितको रगताम्य भएको तस्बिर सामाजिक सञ्जालमा भाइरल छ ।
दुवै जनालाई नियन्त्रणमा लिएको केहीबरपछि प्रहरीले छाडिदिएको जनाएको छ । यस घट्नाबारे प्रहरीले थप अनुसन्धान गरिरहेको छ ।
