- ट्रेण्डिङ :
एजेन्सी । बेलायतकी एक मोडललाई घरमा सामन पुरयाउन आउने डेलिभर ब्वाईले चुम्वन गरेर फरार भएका छन् ।
हन्ना पिटर्स नाम गरेकी बेलायतकी ती मोडलले घरमा सामान पुर्याउन आएको डेलिभर ब्वाईले आफुमाथि दु,व्र्यवहार गरेको आरोप लगाउँदै त्यसको कडा निन्दा गरेकी छिन् ।
हन्नाका अनुसार घरमा सामान पुर्याउन आएको त्यो व्यक्तिले अचानक उनको सम्वेदनशील अंगमा छोएर अनि चुम्वन गरेर फरार भएको हो ।
लण्डनमा बस्दै आएकी २५ वर्षीया हन्नाले कुरियर कम्पनीबाट कपडा मगाएकी थिइन । त्यो कपडा आएको थाहा पाएपछि उनी त्यसलाई लिन जब ढोकामा पुगिन तब त्यो कपडा लिएर आउने व्यक्तिले उनीमाथि दुव्र्यवहार गरेको थियो ।
अन्तर्राष्ट्रिय संचार माध्यमका अनुसार त्यो व्यक्तिले सबैभन्दा पहिला हन्नालाई सामान दिदै गर्दा उसले हन्नाको कामको बारेमा सोध्यो, त्यसपछि उनले सुन्दरताको बयान पनि गर्यो र सोहि समयमा उसले उनको सम्बेदनशील अंगमा छोयो । यो कुरालाई हन्नाले बिरोध गरेपछि उसले हन्नालाई चुम्बन गरेर भाग्यो ।
त्यतिमात्रै नभएर उसले यो सबै कुरा आफ्नो साथीहरूलाई पनि सुनाउँछु भन्दै भाग्यो । यो घटना पछि हन्ना निकै डराएकी थिइन् । त्यसपछि उनले प्रहरीमा उजुरी दिइन् ।
अहिले लण्डन प्रहरीले यस विषयमा अनुसन्धान थालेको छ । यसैबीच कुरियर कम्पनीले घटनालाई गम्भीरतापूर्वक लिएको भन्दै अनुसन्धानमा सघाउने बताएको छ ।
हन्नाले भनिन् ‘मोडलका हैसियतले म टिभी र म्यागाजिनमा आफ्नो शरीर देखाउछु, यसको मतलब यो होइन कि मलाई जोसुकै पुरुषले पनि छुन सक्नेछन्’ । हन्नाले डेलिभर ब्वाईको कडा निन्दा गरेकी छिन् ।
