मंगलवार, कार्तिक १८ गते २०८३
- ट्रेण्डिङ :
- # समाज
- # मनाेरञ्जन
नेकपा एमालेका अध्यक्ष केपी शर्मा ओलीले वर्तमान सरकारले अझै पनि चुनाव सार्न खोजेको बताएका छन् । बझाङमा आयोजित कार्यक्रमलाई सम्बोधन गर्दै उनले शेरबहादुर देउवा नेतृत्वको सरकारलाई ‘खैँजडी सरकार’ भनेका छन् ।
“खैँजडी सरकारले चुनाव रोक्ने प्रयास धेरैपटक गरिसक्यो । अझै प्रयास गर्दैछ,” उनले भने, “अध्यादेश र नक्कली कानुन ल्याएर चुनाव सार्न खोजेको छ । लोकतान्त्रिक अभ्यास अन्त्य गर्न खोजेको छ ।
देशलाई प्रतिगमनमा लैजान खोजेको छ । यो प्रतिगामी सरकार हो ।” देउवा जहिले जहिले सरकारमा गए पनि लोकतन्त्र बुझाएको इतिहास रहेको उनको भनाई छ ।
“अहिलेका प्रधानमन्त्री जहिले सरकारमा जानुहुन्छ । उहाँले लोकतन्त्र बुझाउनुहुन्छ । प्रधानमन्त्रीज्यू यसपल्ट गठबन्धनलाई चेतावनी दिन चाहन्छु– चुनाव सार्ने खेल नहोस् ।
यो सरकारले आफूलाई अजम्बरी नसोचे हुन्छ । एमालेले चाह्यो भने सातदिनमा सरकार बनाउन सक्छ । चुनाव विथोल्ने बहाना नपाउन् भनेर सहेर चुप लागेर बसेका छौँ ।”
